Türkiyə Böyük Millət Məclisi gələn həftənin sonuna qədər İsveçin NATO-ya üzvlük iddiasını ratifikasiya edə bilər.
Modern.az xəbər verir ki, bu barədə CNN Türk kanalı məlumat yayıb.
İsveçin müraciəti əvvəlcə parlamentin Xarici Əlaqələr Komitəsi tərəfindən qəbul edilməlidir. Daha sonra TBMM-in ümumi iclasında baxılacaq.
Türkiyə prezidenti Rəcəb Tayyib Ərdoğanın imzası ilə təsdiqlənərək hökumət qəzeti “Resmi Gazete”də dərc olunduqdan sonra İsveçin NATO-ya üzvlüyünün Ankara tərəfindən təsdiqlənməsi prosesi başa çatacaq.
