Ermənistanda vəkillər 3 günlük etiraz aksiyasına başlayıb.
Modern.az xəbər verir ki, bu barədə "Sputnik Armenia" məlumat yayıb.
Vəkillər Palatasının keçmiş rəhbəri Ara Zöhrabyan jurnalistlərə bildirib ki, onlar polis rəisi Aram Hovhannisyanın istefasını tələb edirlər və hüquq-mühafizə orqanları əməkdaşlarının zorakılıq hallarının artmasına qarşı mübarizə aparmaq niyyətindədirlər.
Qeyd olunub ki, bu, ilk aksiya deyil. Bundan əvvəl onlar İrəvanda döyülən vəkil Alaverdyanı dəstəklədiklərini bəyan edərək tədbir keçiriblər. Daha əvvəl başqa iki vəkil zorakılığa məruz qalıb.
İşgəncə Qurbanlarına Beynəlxalq Dəstək Günündə vəkillər bir günlük məhkəmə iclaslarını boykot ediblər.
