Rusiya Xarici Kəşfiyyat Xidmətinin rəhbəri Sergey Narışkin bildirib ki, iyunun sonunda Mərkəzi Kəşfiyyat İdarəsinin direktoru Uilyam Börnslə telefon danışığı olub.
Modern.az xəbər verir ki, bu barədə "Kommersant" məlumat yayıb.
Onun sözlərinə görə, Uilyam Börns özü Sergey Narışkinə zəng edərək ABŞ-ın "Vaqner" üsyanında iştirak etmədiyinə inandırıb.
Narışkin vurğulayıb ki, 24 iyun hadisələrini söhbət üçün bəhanə hesab edir:
“Düşünürəm ki, bu, daha çox bəhanə idi, çünki söhbətin əsas hissəsi Ukrayna ətrafında baş verənlərin müzakirəsinə yönəlib”.
