"Səhvlər üzərində işləmək lazımdır, Rusiya Ermənistan-Azərbaycan nizamlanmasında siyasi eksklüzivliyini itirir".
Modern.az "Sputnik Armenia"ya istinadən xəbər verir ki, bunu rusiyalı politoloq Sergey Markedonov deyib.
"ABŞ və Avropa İttifaqının moderatorluğu ilə İrəvan və Bakı arasında çərçivə sazişi bu tendensiyanı gücləndirəcək. Üstəlik, Qərbin vasitəçiliyi ilə baş tutan bu razılaşma əvvəlkindən daha yaxındır. Bunu Ermənistan Təhlükəsizlik Şurasının katibi Armen Qriqoryanın bəyanatları sübut edir. İndi Moskva bu rəqabətə qarışır, bərabərhüquqlular arasında birinci kimi qeyri-rəsmi statusunu həmişəlik olmasa da itirir", - o qeyd edib.
