"Döyüş təcrübəsi olan pilotlar F-16-da ilk dəfə təkrar təlim keçəcəklər".
Modern.az "Ukrinform"a istinadən xəbər verir ki, bunu Ukrayna Hərbi Hava Qüvvələrinin sözçüsü Yuri İqnat deyib.
"F-16 üçün yenidən hazırlanacaq birinci dalğada olan pilotlarımız döyüş təcrübəsi olan, uçuşları olan, ingilis dilini bilən döyüş pilotları olacaq. Bu qrup dərhal F-16-da yenidən təlim keçəcək. Onlar əsas yer hazırlığı keçəcək, dil öyrənəcək, sonra reaktiv təyyarələrə keçidlə yüngül mühərrikli qərb tipli təyyarələri mənimsəyə biləcəklər", - o qeyd edib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
