Modern.az

Krım körpüsündə insident - Hərəkət dayandırılıb, ölənlər var (FOTOLAR)

Krım körpüsündə insident - Hərəkət dayandırılıb, ölənlər var (FOTOLAR)

17 İyul 2023, 09:08

Krım körpüsündə "fövqəladə vəziyyət" səbəbindən nəqliyyatın hərəkəti dayandırılıb.

 

Modern.az xəbər verir ki, bu barədə Rusiya tərəfindən Krıma təyin edilən "qubernator" Sergey Aksenov bildirib.

 

O qeyd edib ki, fövqəladə vəziyyət Krım yarımadasını Rusiyanın Krasnodar bölgəsi ilə birləşdirən körpünün 145-ci sütununda baş verib. Aksenov fövqəladə vəziyyətin nə olduğunu açıqlamayıb və daha ətraflı məlumat verməyib.

 

"RBC-Ukrayna" xəbər agentliyi körpüdə partlayış səslərinin eşidildiyini yazıb. "Vaqner" muzdlu qruplaşmasına bağlı "Boz Zona" teleqram kanalı səhər saat 03:04-də və 03:20-də körpüyə iki zərbə dəydiyini iddia edib.

 

Həm Aksenov, həm də Krasnodar vilayətinin qubernatoru Venyamin Kondratev körpüdəki fövqəladə vəziyyətin aradan qaldırılması üçün öz bölgələrində operativ qərargah yaratdıqlarını bildiriblər. Yerli qurumlar sakinləri körpüdən keçməməyə çağırıb.

 

Belqorod vilayətinin qubernatoru Vyaçeslav Qladkov bildirib ki, insident nəticəsində Belqorod vilayətindən olan ər-arvad ölüb, onların qızı orta-ağır bədən xəsarətləri alıb.

 

Rusiya hakimiyyinə yaxın "Baza" teleqram kanalı hadisə yerindən fotolar paylaşıb. 

1264803

126480412648051264806

12648071264808

Instagram
Gündəmdən xəbəriniz olsun!
Keçid et
Rusiyaya ani hücum-Bu şəhərlər bombalandı