Rusiya ordusuna məxsus Ka-52 helikopteri Ukrayna ordusu tərəfindən zərərsizləşdirilib.
Modern.az xəbər verir ki, bu barədə Ukrayna Hərbi Hava Qüvvələrinin komandanı Nikolay Oleşuk məlumat yayıb.
O qeyd edib ki, helikopter Baxmut yaxınlığında zenit-raket kompleksinin köməyi ilə vurulub.
Xatırladaq ki, Rusiya ordusu müharibə başlayandan bəri 133 ən müasir Ka-52 helikopterindən 40-a yaxınını itirib.
Açıq mənbələrin məlumatına görə, helikopterin birinin qiyməti 16 milyon dollardır.
