Türkiyə Prezidenti Rəcəb Tayyib Ərdoğan gələn ay Hindistana səfər edəcək.
Modern.az xəbər verir ki, bu barədə TRT kanalı məlumat yayıb.
O, sentyabr 9-10-da Hindistanda keçiriləcək G-20 Liderlər Sammitində iştirak edəcək. Sammit çərçivəsində ikitərəfli münasibətlərlə yanaşı, regional və qlobal problemlər də müzakirə olunacaq.
Ərdoğan sentyabr ayında, həmçinin Birləşmiş Millətlər Təşkilatının 78-ci Baş Assambleyasına qatılmaq üçün ABŞ-a gedəcək. O, səfər çərçivəsində dünya liderləri ilə ikitərəfli görüşlər də keçirəcək. Assambleya 17-21 sentyabr tarixlərində baş tutacaq.
