"Ukrayna kəşfiyyatı "Vaqner"in rəhbəri Yevgeni Priqojinin təyyarə qəzasında öldüyünə 100% əmin deyil".
Modern.az xəbər verir ki, bu barədə Ukraynanın hərbi kəşfiyyatının sözçüsü Andrey Yusov “Ukrinform”a müsahibəsində bildirib.
O qeyd edib ki, Priqojinlə bağlı tam əminlik olmasa da, onun "sağ əli" Dmitri Utkinin ölümü ilə bağlı məlumatı kəşfiyyat təsdiqləyir.
Qeyd edək ki, iyunun sonlarında çevriliş cəhdindən 2 ay sonra Priqojinin təyyarəsi qəzaya uğradı və bütün sərnişinlər, eləcə də ekipaj üzvləri öldü. Qəza ilə bağlı müxtəlif versiyalar var ki, onlardan ən geniş yayılanı hadisənin Rusiya hakimiyyəti tərəfindən törədilməsidir.
