Rusiyanın Volqoqrad vilayətinə PUA hücumu qeydə alınıb.
Modern.az "Meduza"ya istinadən xəbər verir ki, bu bölgə indiyədək heç vaxt dronların hücumuna məruz qalmayıb.
Məlumata görə, hədəf Qorodişenski rayonundakı hərbi hissəyə hücum etmək olub. Vurulan PUA hərbi obyektin üzərinə düşüb.
Hər hansı mülki və hərbi obyektlərdə tələfat və dağıntı yoxdur. Partlayış baş verməyib. Volqoqraddan Ukrayna ilə sərhədə qədər düz xətt üzrə məsafə ən azı 400 kilometrdir.
