Ermənistanda radikal millətçi “Milli Demokratik Qütb” təşkilatının nümayəndəsi Jirayr Sefilyan Ermənistanda “Vaqner” döyüşçülərinin olması ilə bağlı açıqlamalarına görə dindiriləcək.
Modern.az "Sputnik Armenia"ya istinadən xəbər verir ki, bu gün o, Ermənistan Milli Təhlükəsizlik Xidmətinə çağırılıb.
Bundan əvvəl bir sıra iqtidaryönlü ictimai səhifələrdə yerli qüvvələrin dəstəyi ilə dövlət çevrilişi həyata keçirəcək və Paşinyanı hakimiyyətdən uzaqlaşdıracaq 3 min “Vaqner”çinin ölkəyə gəlişi ilə bağlı xəbərlər yayılıb.
Daha sonra Rusiya Federasiya Şurasının beynəlxalq komitəsinin rəhbəri Qriqori Karasin bu iddiaları təkzib edib.
