Paşinyan “Vaqner” muzdlularının Ermənistanda olması ilə bağlı yayılan xəbərlərə münasibət bildirib.
Modern.az xəbər verir ki, bu barədə o, parlamentdə çıxışı zamanı danışıb.
"Ermənistanın hüquq-mühafizə orqanları KİV-də gedən yazılara cavab verməyə borcludurlar. Bildiyimə görə, bu, cinayət-prosessual məcəllənin normasıdır. Bu xəbərlər teleqram kanallarında dərc olunub və Milli Təhlükəsizlik Xidməti öz səlahiyyətləri çərçivəsində məlumatı yoxlayır", - Paşinyan bildirib.
Ermənistanda Rusiyanın təşəbbüsü ilə baş verə biləcək inqilabla bağlı Paşinyanın hər hansı narahatlığının olub-olmaması ilə bağlı suala cavab olaraq baş nazir qeyd edib ki, bunu yalnız Ermənistan xalqı həyata keçirə bilər və onlar artıq bunu ediblər.
