Quş qripinə yoluxma hallarının yayılması Argentinanın şimal-qərbində 220 flaminqonun məhv olmasına səbəb olub.

Modern.az xəbər verir ki, ölü quşlar Argentina, Boliviya, Çili və Peruda böyük yüksəkliklərdə yaşayan Ceyms (Phoenicoparrus jamesi) flaminqo növünə aiddir.

Hazırda Cənubi Amerikada yayılan quş qripi virusunun H5N1ştamı bir neçə gün ərzində bütün sürünü yoluxdura bilər. O, həmçinin nəcis və tüpürcəklə insanlara və digər məməlilərə keçə bilər.

Avqust ayında Argentinanın Atlantik sahilində 50-dən çox dəniz şiri quş qripindən ölüb, cari ilin əvvəlində isə Çili və Peruda minlərlə ölü dəniz şiri aşkar edilib.

Katamarka şimali-qərb əyalətində ölü tapılan flaminqo üzərində aparılan testlərdən bəziləri quş qripinə müsbət nəticə verib, - deyə biomüxtəliflik xidmətinin nümayəndəsi Anabella Axumada yerli KİV-lərə bildirib.

Bu rayondakı çəlləklər də digər iki növ flaminqo üçün yaşayış məkanıdır, lakin görünür ki, xəstəliyə yalnız Ceyms növündən olan flaminqo yoluxub.

Yerli hökumət orqanları bildiriblər ki, virusun yayılmasının qarşısının alınması ilə bağlı tədbirlər görüblər. Onlar, həmçinin yerli sakinlərə ölü heyvanlara toxunmamaq barədə xəbərdarlıq ediblər.

Həmçinin Puna-flaminqo kimi tanınan Ceyms flaminqosu Beynəlxalq Təbiəti Mühafizə İttifaqı tərəfindən “nəsli kəsilməkdə olan” kateqoriyaya aid edilib.