ABŞ Dövlət Departamenti Rusiya prezidenti Vladimir Putinin 2024-cü ilin noyabrında ABŞ-da keçiriləcək prezident seçkilərinə qədər Ukrayna ilə sülhə getməyəcəyini bildirib.
Modern.az xəbər verir ki, bunu "Reuters"ə Brüsseldə NATO xarici işlər nazirlərinin görüşündən sonra ABŞ Dövlət Departamentinin yüksək vəzifəli nümayəndəsi deyib.
"Mən gözləyirəm ki, Putin seçkilərimizin nəticələrini görmədən sülh və ya mənalı sülh bağlamayacaq", - deyə o qeyd edib ki, bu, NATO-ya üzv ölkələrin Ukraynaya güclü dəstəyini ifadə etdiyi kontekstdir.
ABŞ-da keçmiş prezident Donald Trampın seçkilərdə potensial qələbəsinin Qərbin Kiyevə dəstəyini sarsıda biləcəyi ilə bağlı qorxular var. 2024-cü ildə yenidən seçilmək istəyən Tramp daha əvvəl ABŞ-ın Rusiya ilə müharibəsində Ukraynaya dəstəyini kəskin tənqid etmişdi.
