Polşanın sabiq lideri Lex Valensa koronavirusa yoluxub.
Modern.az xəbər verir ki, bu barədə o, özünün feysbuk səhifəsində məlumat yayıb.
“COVID məni vurdu”, - o, xəstəxana çarpayısından fotosuna belə yazıb.
Lex Valensa Polşa dövlət və siyasət xadimidir. O, Solidarnost"un (Həmrəylik) müstəqil həmkarlar təşkilatının yaradıcılarından biridir. 1990—1995-ci illərdə Polşaya rəhbərlik edən siyasətçi 1983-cü ildə Nobel Sülh mükafatına layiq görülüb.
