"Ukrayna Silahlı Qüvvələri hüdudlarından kənarda olan Rusiya Federasiyasının hərbi obyektlərinə zərbələr endirmək hüququna malikdir".
Modern.az xəbər verir ki, bunu NATO-nun baş katibi Yens Stoltenberq "Azad Avropa" radiosuna müsahibəsində deyib.
O bildirib ki, Ukraynanın özünümüdafiə hüququ var: "Buraya həm də qanuni hərbi hədəflərə, Ukraynadan kənarda Rusiya hərbi obyektlərinə zərbələr endirmək daxildir".
"Financial Times" qeyd edib ki, bu, əvvəllər Ukraynanın Rusiyadakı hədəflərə hücumlarına qarşı çıxan Yens Stoltenberqin ritorikasında mühüm dəyişiklikdir.