Fransanın xarici işlər naziri Stefan Sejürne ölkəsinin qoşunlarının Ukraynaya göndərilməyəcəyini bildirib.
Modern.az Fransa mətbuatına istinadən xəbər verir ki, o, müəyyən edilmiş çərçivədən danışıb.
"Biz döyüşmək üçün qoşun göndərməyəcəyik. Çərçivə müəyyən edilmişdi: Rusiya ilə müharibə etmədən qalib gəlməsinin qarşısını almaq. Bu çərçivədə prezidentin dediyi kimi heç nə istisna edilmir", - o əlavə edib.
Bundan əvvəl Ukraynaya Qərb qoşunlarının göndərilməsinin mümkünlüyündən Fransa prezidenti Emmanuel Makron danışmışdı.
