"500 min insana artıq ehtiyac yoxdur, səfərbərlik daha yumşaq olacaq".
Modern.az xəbər verir ki, bunu Estoniyanın ERR nəşrinə müsahibəsində Ukrayna baş naziri Denis Şmıqal deyib.
O qeyd edib ki, yeni baş komandan Müdafiə Qüvvələrinin auditini həyata keçirib və genişmiqyaslı müharibə illərində ilk dəfə olaraq cəbhə xəttində rotasiyalar başlayıb:
"Müdafiə Qüvvələrinin yeni briqadaları artıq tamamlanıb və Ukrayna yalnız müttəfiqlərindən texnika və sursat gözləyir".
O, bu il ukraynalıları səfərbər etmək üçün bütün zəruri tapşırıqların yerinə yetiriləcəyinə əmin olduğunu bildirib.
