Birləşmiş Ştatlar Bakı və İrəvan arasında dialoqun asanlaşdırılmasında istənilən rolu oynamağa hazırdır.
Modern.az xəbər verir ki, bunu ABŞ Dövlət Departamentinin sözçüsü Metyu Miller brifinqdə bildirib.
O qeyd edib ki, ABŞ bu problemi həll etməyin yolunun danışıqlardan keçdiyini açıq şəkildə bəyan edib:
"Mən qarşıdan gələn görüşlər barədə danışmaq istəmirəm, lakin biz həmişə dialoqu alqışladığımızı açıq şəkildə bildirmişik. Dövlət katibi Ermənistan və Azərbaycan liderləri ilə danışanda açıq şəkildə bildirdi ki, onlar arasında dialoq olmalıdır. Biz bu dialoqun asanlaşdırılmasında istənilən mümkün rolu oynamaqdan şadıq və bunu davam etdirəcəyik. Amma qarşıdan gələn konkret görüşləri açıqlamaq istəmirəm”.
