Modern.az

Zaxarova Aİ missiyasına kanadalının qoşulmasını şərh edib

Zaxarova Aİ missiyasına kanadalının qoşulmasını şərh edib

18 Aprel 2024, 14:23

"Rusiya aprelin 5-də Brüsseldə keçirilən görüşdə ABŞ və Aİ ilə hərbi-siyasi razılaşmalar barədə məlumatlardan sonra Ermənistandan aydın reaksiya və rədd cavabı gözləyir".

 

Modern.az "Sputnik"ə istinadən xəbər verir ki, bunu Rusiya XİN-in sözçüsü Mariya Zaxarova bəyan edib.

 

"Brüsseldəki görüş zamanı həqiqətən də İrəvana Rusiya bazasının və sərhədçilərinin Qərb mütəxəssisləri ilə dəyişdirilməsi, eləcə də Ermənistan Respublikasında kritik infrastrukturun istiqamətinin dəyişdirilməsi ilə bağlı planların qoyulduğu ortaya çıxsa, Moskva təəccüblənməyəcək", - sözçü belə deyib.

 

Onun sözlərinə görə, qərblilər Cənubi Qafqazdakı qonşuları arasında çəkişmələr yaratmağa çalışırlar və Ermənistana yalnız yeni böyük yanğını alovlandırmaq istədikləri alət rolu verilir.

 

Zaxarova Kanada nümayəndəsinin Aİ missiyasına qoşulması haqqında danışarkən iddia edib ki, Vaşinqton avropalı müttəfiqlərini izləmək üçün NATO qüvvələrini Cənubi Qafqaza sürükləyir. Rusiya Xarici İşlər Nazirliyinin rəsmi nümayəndəsi brifinq zamanı qeyd edib ki, belə bir həllin əlavə dəyəri və onun ermənilər tərəfindən nə qədər tələb olunduğu hələ də bəlli deyil.

Twitter
Sizə yeni tvit var
Keçid et
Rusiya şokda-Ukrayna dağıdıcı raketlərlə hücuma keçdi