"Macarıstan ölkə şirkətlərinin Ukraynanın qara siyahısına salınmayacağına dair zəmanət alana qədər Aİ-nin Ukraynaya 2 milyard avroluq hərbi yardımın buraxılmasına mane olacaq".
Modern.az NEXTA-ya istinadən xəbər verir ki, bunu Macarıstanın xarici işlər naziri Peter Siyarto deyib.
Söhbət ilk növbədə Macarıstanın OTR bankından və əczaçılıq şirkəti "Gedeon Richter"dən gedir.
"Macarıstanın mövqeyi dəyişməz olaraq qalır: Ukrayna tərəfindən macar şirkətlərini təqib etməyi dayandıracaqlarına dair zəmanət almayana qədər, biz bu cür qərarların qəbuluna töhfə verə bilməyəcəyik", Siyarto deyib.
