Naməlum şəxslər Varşavanın mərkəzində sinaqoqu yandırmağa cəhd ediblər, insident nəticəsində xəsarət alan olmayıb.
Modern.az xəbər verir ki, bu barədə Polşanın xarici işlər naziri Radoslav Sikorski bildirib.
Məlumata görə, naməlum şəxs sinaqoqa "Molotov kokteyli" atıb.
Polşa mediası paytaxt polisinin hadisə ilə bağlı məlumatlandırıldığını və artıq araşdırma apardığını bildirir.
Polşa Yəhudi İcmaları İttifaqının əsas sinaqoqu olan Zalma və Rivka Nozyk sinaqoqu (Nozik sinaqoqu) Varşavada İkinci Dünya Müharibəsindən sağ çıxan yeganə sinaqoqdur.
