Rusiya Baş nazirinin müavini vəzifəsinə namizəd Aleksandr Novak Dövlət Dumasının plenar iclasında çıxış edib.
Modern.az xəbər verir ki, bu barədə "Kommersant" məlumat yayıb.
O bəyan edib ki, Rusiya iqtisadiyyatının inkişafı və möhkəmləndirilməsi əsas vəzifələrdən biridir.
"Bu məqsədə nail olmaq üçün təkcə ümumi daxili məhsulu əhəmiyyətli dərəcədə artırmaq deyil, həm də iqtisadi artımın prinsipcə yeni modelini yaratmaq lazımdır. Sənayenin inkişafı, yeni istehsalın, texnoloji və maliyyə suverenliyinin inkişafı, ədalətli rəqabət, şəxsi təşəbbüs və ən əsası vətəndaşların gəlirlərinin artması üçün əlavə şərait yaradılsın", - Novak bildirib.
Novak digər məsələlərlə yanaşı, yeni müəssisələrin açılması üçün əlverişli şəraitin və stimulların yaradılmasına və iqtisadiyyata investisiya axınının təmin edilməsinə diqqət yetirəcəyini vəd edib.
