Modern.az

DİN-dən qırğızlara ciddi XƏBƏRDARLIQ

DİN-dən qırğızlara ciddi XƏBƏRDARLIQ

Dünya

19 May 2024, 09:08

Qırğızıstan Daxili İşlər Nazirliyi ölkə sakinlərini icazəsiz aksiyalarda iştirak etməməyə çağırıb və onlara qanunun pozulmasına görə məsuliyyəti xatırladıb.

 

Modern.az-ın məlumatına görə, bu barədə nazirliyin mətbuat xidmətinin açıqlamasında bildirilib.

 

“Paytaxtda baş verən son hadisələrlə əlaqədar Qırğızıstan Respublikasının Daxili İşlər Nazirliyi vətəndaşları, xüsusən də gəncləri icazəsiz aksiyalarda iştirakdan çəkinməyə və qanunsuz hərəkətlərin törətdiyi fəsadları unutmamağa çağırır”, - məlumatda deyilir.

 

Nazirlik xatırladıb ki, bu cür hərəkətlər müəssisə və təşkilatların normal fəaliyyətini pozur, vətəndaşların həyat və sağlamlığına real təhlükə yaradır, habelə paytaxt sakinlərinin sərbəst hərəkət etmək hüquqlarını pozur.

 

Qeyd edək ki, mayın 13-də əcnəbi tələbələrin yaşadığı yataqxanalarından birinin həyətində kütləvi dava baş verib. Hadisə zamanı bir neçə yerli sakin döyülüb. Yerli KİV-in məlumatına görə, mayın 17-si axşam yüzlərlə yerli sakin yataqxananın qarşısında toplaşıb. Hadisə yerinə polis əməkdaşları cəlb olunub və saxlanılanlar var.

Telegram
Hadisələri anında izləyin!
Keçid et
Zakir Fərəcovun 3 milyonluq borcu -iş adamlarına hədə-qorxu gəlinir