Almaniya kansleri Olaf Şolts, görünür, Ukraynaya Qərb silahları ilə Rusiyanı vurmağa icazə verilməsini dəstəkləyir.
Modern.az xəbər verir ki, bunu "The Guardian" yazıb.
Nəşr yazır ki, Fransa prezidenti Emmanuel Makron Almaniyaya dövlət səfəri zamanı bu barədə danışarkən kansler də bu məsələdə Ukraynanı dəstəkləyib.
Bununla belə, o əlavə edib ki, ukraynalıların silah tədarükçülərinin şərtlərinə əməl etməsi şərti ilə Fransa lideri ilə razılaşır. Eyni zamanda, Şolts ukraynalılara lazım olan və Rusiyanın mövqelərinə güclü zərbələr endirməyə qadir olan uzaq mənzilli “Taurus” raketlərini verməkdən imtina edib.
