Polşa Ukraynaya silahlarını Rusiya ərazisindəki hədəflərə qarşı istifadə etməyə icazə verib.
Modern.az xəbər verir ki, bunu “Radio Zet”in efirində Polşa Müdafiə Nazirliyinin rəis müavini Sezari Tomçik deyib.
“Ukraynaya tədarük etdiyimiz Polşa silahları ilə bağlı heç bir məhdudiyyət yoxdur”, - o vurğulayıb.
Qeyd edək ki, hazırda Qərbdə bununla bağlı müzakirələr davam edir. Böyük Britaniya və Fransa bu məsələdə Ukraynaya icazə verilməsini, ABŞ və qismən Almaniya isə Kiyevin Qərb silahlarının yalnız Ukrayna ərazisində istifadəsi ilə kifayətlənməsini müdafiə edir.
