Avstraliya Ukraynanın enerji sistemini gücləndirmək üçün Kiyevin əvvəllər xahiş etdiyi kömür əvəzinə Ukraynaya 20 milyon dollar köçürəcək.
Modern.az UNIAN-a istinadən xəbər verir ki, bu vəsait Avropa Komissiyası və Ukrayna tərəfindən idarə olunan “Ukrayna Enerji Dəstəyi Fondu”na köçürüləcək.
Avstraliyanın xarici işlər naziri Penni Vonq bildirib ki, birbaşa kömürdən daha çox vəsait göndərmək daha ucuz, asan və kömürün dəyərinə bərabər olacaq.
Bundan əlavə, onun sözlərinə görə, Ukrayna bu vəsaitləri hara göndərəcəyini özü müəyyən edə biləcək.
