Bu ilin aprel ayında Gürcüstanda iqtisadi artım ikirəqəmli olub.
Modern.az xəbər verir ki, məlumatı ölkənin Milli Statistika Xidməti (Sakstat) açıqlayıb.
Belə ki, iqtisadi artım 11,8% təşkil edib. İlin əvvəlindən 4 ayın yekunlarına əsasən, ÜDM artımı 9% olub.
ƏDV ödəyicisi müəssisələrin dövriyyəsi əvvəlki illə müqayisədə 19% çox olmaqla 12,8 milyard lari təşkil edib.
İstehsal sənayesi, tikinti, informasiya və rabitə, malların daşınması və saxlanması, ticarət sahələrində inkişaf qeydə alınıb. Enerji sektorunda isə azalma baş verib.
