Türkiyədə İYİ Partiyanın daha bir millət vəkili istefa verib.
Modern.az Türkiyə mətbuatına istinadən xəbər verir ki, bu, Antalyanı təmsil edən deputat Aykut Kayadır.
Kaya istefasını X paylaşımı ilə ictimailəşdirib: "Böyük bir həyəcan və ümidlə daxil olduğum İYİ Partiyada millətimizə və ölkəmizə xidmət etmək şərtlərinin ortadan qalxdığını üzülərək görməkdəyəm. Bu səbəblə İYİ Partiya üzvlüyündən istefa vermək qərarı aldım".
2023-cü ilin parlament seçkilərində 43 mandat qazanan İYİ Partiyanın bu istefa ilə deputatlarının sayı 37-yə düşüb.
