Ukrayna Prezidenti Volodimir Zelenski Filippinə səfər edəcək.
Modern.az xəbər verir ki, bu barədə Filippinin “Rappler” saytı məlumat yayıb.
Maniladakı diplomatik mənbələr bildiriblər ki, Zelenskinin sabah Filippinin paytaxtına gələcəyi gözlənilir.
Bu, onun 2019-cu ildə prezident seçildikdən sonra Manilaya ilk səfəridir.
Ukrayna lideri bundan əvvəl Sinqapurda olub və burada “Şanqri-La Dialoqu” təhlükəsizlik konfransında iştirak edib.
