"Rusiya 5 ildən sonra NATO-ya hücum edə bilər".
Modern.az "Bild"ə istinadən xəbər verir ki, bunu Almaniyanın müdafiə naziri Boris Pistorius Berlində keçirdiyi mətbuat konfransında deyib.
O qeyd edib ki, təhdid vəziyyəti bir neçə il əvvəlki vəziyyətlə müqayisədə dəyişib. Beləliklə, Pistorius Almaniyada məcburi hərbi xidmətin qaytarılmasının zəruriliyini izah edib.
“Biz güman etməliyik ki, 2029-cu ildə Rusiya NATO ölkələrindən birinə hücum edə biləcək. Beləliklə, biz kadr baxımından çəkindirmə qabiliyyətini bərpa etməliyik”, - Pistorius bildirib.
Onun sözlərinə görə, yaxın gələcəkdə Bundesverin sayı 181 min nəfərdən 203 min nəfərə çatdırılmalıdır. Bundan əlavə, NATO-nun hesablamalarına görə, Almaniyanın da təxminən 200 min əlavə ehtiyata ehtiyacı var.
Pistorius vurğulayıb ki, Bundesver “ən güclü, ən hazırlıqlı və motivasiyalıları” işə götürmək istəyir: "Biz darıxdırıcı və mənasız hərbi xidmət istəmirik".
