Modern.az

Fransa Ermənistana "Sezar" silahları verəcək - Saziş imzalandı

Fransa Ermənistana

Dünya

17 İyun 2024, 23:27

Ermənistan və Fransa hərbi-texniki əməkdaşlıq haqqında saziş imzalayıblar.

 

Modern.az xəbər verir ki, bu barədə Ermənistan Müdafiə Nazirliyi məlumat yayıb.

 

Belə ki, Ermənistan Fransa və Almaniyanın birgə şirkəti olan KNDS ilə müqavilə imzalayıb. Bu şirkət Fransanın Ukrayna Silahlı Qüvvələrinə tədarük etdiyi "Sezar" özüyeriyən silahlarını istehsal edir.

 

Qeyd edək ki, bundan əvvəl Fransa Senatı Ermənistana tez bir zamanda "Sezar" silahlarının tədarükü məsələsinə baxmağa çağırıb.

 

"Sezar" özüyeriyən artilleriya qurğusu 155 mm çapa malikdir və dəqiqədə təxminən 6 mərmi atarkən 42 km-ə qədər məsafədə atəş açmaq qabiliyyətinə malikdir. Təmasda olmayan detonatorlar havada mərmi partlatmağa imkan verir. Yolda 80 km/saata, yolsuzluqda isə 50 km/saata qədər sürətlə hərəkət edə bilir.

Whatsapp
Bizə yazın!
Keçid et
Vaşinqtonda Azərbaycanla Ermənistan arasında kritik görüş - Razılıq var