Modern.az

ABŞ "Patriot"ları ancaq Ukraynaya ayırır - Digər ölkələr gözləyəsi olacaq

ABŞ

Dünya

20 İyun 2024, 14:46

ABŞ hökuməti Ukraynanın Rusiyanın hava hücumlarına qarşı kifayət qədər müdafiəsinə malik olana qədər "Patriot" hava hücumundan müdafiə sistemləri və raketlərə dair bütün açıq sifarişləri dayandırmaq niyyətindədir.

 

Modern.az xəbər verir ki, bunu "Financial Times" yazıb.

 

Nəşr yazır ki, prezident Co Bayden 5 ölkənin bu sistemləri Ukraynaya tədarük etməyə hazır olduğunu bəyan edib. O əlavə edib ki, Amerika sistemlərinin çatdırılmasını gözləyən digər ölkələr gözləməli olacaqlar, çünki “bizdə olan hər şey onların ehtiyacları ödənilənə qədər Ukraynaya göndəriləcək”.

 

Sistemlər üçün açıq sifarişləri olan Avropa ölkələrinə Polşa, Rumıniya və Almaniya daxildir. İspaniyada da "Patriot"ların tədarükü üçün açıq sifariş var və NATO koalisiyası yanvarda 1000 "Patriot" raketi sifarişi verib.

 

İspaniya, Yunanıstan və Rumıniyanın arsenalında bu qurğular var, lakin indiyədək onları Ukraynaya verməkdən imtina ediblər. Hazırda Ukraynada ABŞ və Almaniya tərəfindən təchiz edilmiş ən azı 4 "Patriot" sistemi var.

Instagram
Gündəmdən xəbəriniz olsun!
Keçid et
Azərbaycandan Ermənistana çagırış-Bakıya gəlin!