Həcc ziyarəti zamanı səhhətində problem yaranan 13 Türkiyə vətəndaşı ölkəsinə gətirilib.
Modern.az Türkiyə mətbuatına istinadən xəbər verir ki, xəstələri və yoldaşlarını daşıyan Türkiyə Hərbi Hava Qüvvələri Komandanlığına məxsus C-130 təyyarəsi saat 01:50-də Etimesqut Hərbi Hava Limanına eniş edib.
Türkiyə Səhiyyə Nazirliyi tərəfindən təyin edilmiş mütəxəssis həkimlərin də olduğu 10 nəfərlik heyət xəstələri müşayiət edib.
Türkiyəyə gətirilən 13 xəstə Etlik və Bilkent Şəhər Xəstəxanalarına köçürülüb.
Qeyd edək ki, Səudiyyə Ərəbistanı rəsmiləri bu yaxınlarda həcc ziyarəti zamanı həddindən artıq istilər səbəbindən 1301 zəvvarın öldüyünü açıqlayıb.
