Bu gün səhər saatlarından İranda 14-cü prezident seçkilərinin səsverməsi başlayıb.
Modern.az xəbər verir ki, seçkilərdə 4 namizəd mübarizə aparır:
Səid Cəlili - İran ali rəhbərinin Təhlükəsizlik Şurasındakı nümayəndəsi;
Mustafa Purməhəmmədi - prokuror və keçmiş ədliyyə naziri;
Məsud Pezeşkian - parlamentin deputatı, keçmiş səhiyyə naziri;
Məhəmməd Baqir Qalibaf - parlamentin hazırkı sədri.
Prezidentliyə namizəd Məsud Pezeşkian Rey şəhərinin Firuzabadi təhsil mərkəzində səs verib.
İRNA-nın məlumatına görə, səsvermədən əvvəl Pezüşkian Firuzabadi xəstəxanasında olub, məsul şəxslər və xəstələrin səhabələri ilə görüşüb söhbət edib.
O bildirib ki, haqqını ala bilməyənlərin, o cümlədən kişi və qadınların, təqaüdçülərin səsi olmaq üçün meydana çıxıb.
“Qalib gəlsəm, İranın xarici ölkələrlə əlaqələrini yaxşılaşdırmağa çalışacağam”, - deyə o əlavə edib.
Məsud Pezeşkian islahatçıların namizədi hesab olunur. Keçmiş prezidentlər Məhəmməd Hatəmi və Həsən Ruhani də onu dəstəkləyir.