Ermənistan hakimiyyəti 2026-cı ildə keçiriləcək parlament seçkilərinə hazırlaşır.
Modern.az xəbər verir ki, bu barədə "Joğovurd" nəşri yazıb.
Bildirilir ki, Ermənistan Baş naziri Nikol Paşinyan komandası ilə parlament seçkiləri barədə qızğın müzakirələr aparır.
"Paşinyan artıq komanda yoldaşlarına, xüsusən də hakim partiyanın üzvlərinə müxalifətin seçkilərə hazırlaşdığını və bunun çox qızğın və gözlənilməz ola biləcəyini açıqlayıb", - nəşr qeyd edir.
Bildirilir ki, hakimiyyət artıq küçə mübarizəsinin bitdiyini, müxalifətin daha küçələrə çıxmayacağını düşünür.
Məlumata görə, Paşinyan və komandası regionlara səfərlər edəcək, 2026-cı ildə onları nələrin gözlədiyini, harada zəif olduqlarını, harada güclü olduqlarını anlamaq üçün təbliğat maşını işlədəcəklər.
