Türkiyə Prezidenti Rəcəb Tayyib Ərdoğan belaruslu həmkarı Aleksandr Lukaşenko ilə görüşüb.
Modern.az xəbər verir ki, görüş Astanada keçirilən ŞƏT sammiti çərçivəsində baş tutub.
Liderlər Rusiya-Ukrayna böhranının nizamlanmasını müzakirə ediblər.
Məlumata görə, iki ölkə liderləri Ankara və Minsk arasında ikitərəfli gündəliyi, Ukraynadakı müharibənin nəticələrini, eləcə də aktual regional və qlobal problemlərə toxunublar.
Ərdoğan Rusiya ilə Ukrayna arasında müharibəyə son qoymağa yönəlmiş addımların vacibliyini vurğulayıb.
O bildirib ki, Türkiyə sülh üçün səylərini və hər iki tərəflə səmimi əlaqələri davam etdirəcək.
