Ukrayna müdafiə naziri Rustem Umerova yeni müavinlər təyin edilib.
Modern.az xəbər verir ki, bu barədə Ukrayna Nazirlər Kabineti qərar verib.
Qərara əsasən, Anatoli Kloçko və Aleksandr Sergey müdafiə nazirinin müavinləri təyin olunub.
Kloçko 2020-2022-ci illərdə Silah Təchizatı Mərkəzi İdarəsinin rəisi olub, 2022-ci ilin oktyabrından isə Baş Kəşfiyyat İdarəsinin hərbi hissəsində xidmət edib.
Aleksandr Sergey isə 2010-cu ildən Ukrayna Silahlı Qüvvələrində yüksək vəzifələrdə çalışaraq ordunun maddi-texniki təminatına cavabdeh olub.
