Rusiyanın Ukraynaya genişmiqyaslı işğalı başlayandan indiyədək 559 uşaq həlak olub.
Modern.az xəbər verir ki, bu barədə Ukrayna Baş Prokurorluğundan bildirilib.
“2024-cü il iyulun 9-na olan məlumata görə, Rusiya Federasiyasının genişmiqyaslı silahlı təcavüzü nəticəsində 559 uşaq həlak olub. 1449-dan çox uşaq müxtəlif dərəcəli bədən xəsarətləri alıb”, - məlumatda deyilir.
Ən son qurbanlar bazar ertəsi Rusiyanın Kiyevə raket hücumu nəticəsində həlak olan 4 uşaqdır.
Həmin vaxt 8 və 14 yaşlı iki qız və 8 və 10 yaşlı iki oğlan ölüb. 2 yaşdan 17 yaşa qədər 10 uşaq idə müxtəlif dərəcəli bədən xəsarətləri alıb.
