Gürcüstanın xarici dövlət borcu 2024-cü ilin birinci yarısında azalıb.
Modern.az xəbər verir ki, bu barədə ölkənin Maliyyə Nazirliyi məlumat yayıb.
İyulda borc 8,7 milyard dollar təşkil edib ki, bu da yanvar ayı ilə müqayisədə 2,3% azdır. Beləliklə, hökumətin borcu 8,33 milyard dollar, Milli Bankın borcu isə 374 milyon dollardır.
Çoxtərəfli xarici dövlət borcu (banklara) ilin birinci yarısında 1,2% azalaraq 6,3 milyard dollara, ikitərəfli borc (ölkələrə) isə 6 faiz azalaraq 1,5 milyard dollara düşüb.
2023-cü ildə Gürcüstanın xarici dövlət borcu 6,7% artıb.
