Gürcüstanda siyasi partiyaların reytinq göstəriciləri ilə bağlı sosioloji tədqiqat aparılıb.
Modern.az xəbər verir ki, tədqiqat işi “Qafqaz Barometri” təşkilatı tərəfindən həyata keçirilib.
Respondentlərin 31%-i onlara yaxın partiyanın olmadığını bildirib. Digər 30% isə sorğuda iştirakdan imtina edib və ya cavab verməkdə çətinlik çəkib. Qalan 39% isə rəğbət bəslədikləri partiyaları açıqlayıb:
▪️“Gürcü arzusu” – 21%
▪️“Vahid Milli Hərəkat” – 3%
▪️“Axali” – 3%
▪️Əmək Partiyası – 1%
▪️“Girçi – Daha çox azadlıq” – 1%
▪️“Gürcüstan üçün Lelo” – 1%
▪️“Gürcüstan üçün” – 1%
▪️“Aqmaşenebeli Strategiyası” – 1%
▪️“Vətəndaşlar” – 1%
▪️“Girçi” – 1%
▪️“Alt-Info” – 1%
▪️“Xalq üçün” (Anna Dolidze) – 1%
▪️Mühafizəkarlar Partiyası (Zviad Dzidziquri) – 1%
▪️“Avropa Gürcüstanı” – 1%
▪️Digərləri – 2%.
Vətəndaşların əksəriyyəti arasında aşkar favoritlərin olmamasına baxmayaraq, onlar qarşıdan gələn parlament seçkilərində fəal iştirak etməyi planlaşdırırlar. Respondentlərin 65%-i gələn bazar günü keçirilsə, mütləq seçkiyə gedəcəklərini bildirib. Digər 18% isə iştirak etmək ehtimalının daha yüksək olduğunu bildirib.
Sorğu 2021-ci ildən “Gürcü arzusu”nun populyarlığının 3% azaldığını göstərib. Nəticələri ötən gün dərc edilən sorğu aprelin 16-dan mayın 13-dək keçirilib.