“LUKOIL” iyul ayında Ukrayna ərazisindən Macarıstan istiqamətində tranzit neft nəqlini bərpa etməyib.
Modern.az xəbər verir ki, bu barədə “Interfax” mənbəyə istinadən məlumat yayıb.
Agentliyin həmsöhbətinin sözlərinə görə, şirkət "Dostluq" neft kəməri ilə Macarıstan və Slovakiyaya və digər istiqamətlərə daşınan nefti emal edir.
Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.
