Almaniyanın keçmiş prezidenti Yoahim Hauk ABŞ prezidentliyinə namizəd olan Donald Trampı Hitlerə bənzədib.
Modern.az xəbər verir ki, Hauk ZDF telekanalına müsahibəsində deyib:
“Tramp öz həyat tərzi ilə seçicilərin müəyyən təbəqəsinə müraciət etmək üçün xüsusi qabiliyyətə malikdir. Maliyyə dünyasının ən zirvəsində olan bu adamın kasıbların və hüquqlarından məhrum olanların xilaskarı kimi çıxış etməsini demək olar ki, izaholunmaz hesab edirəm! Protestant xristianların belə bir adamın həyat tərzindən inciməmələri, lakin seçiləndə tamamilə xoşbəxt olmaları tamamilə müəmmalıdır”, - deyə Qauk bildirib.
