Rusiya və Qərb arasındakı məhbus mübadiləsində azadlığa çıxan tatar jurnalist, "Azadlıq radiosu"nun tatar-başqırd xidmətinin əməkdaşı Alsu Kurmaşeva ABŞ-ın Texas ştatında avokado yeyib.
Modern.az xəbər verir ki, jurnalist "Azadlıq radiosu"na müsahibə verib.
“Həbsdə tamarzı qaldığım şey avokado deyildi. Əlbəttə, dadlıdır, çünki indi Texasdayıq. Amma ilk dəfə bir stəkan təmiz suyu nə vaxt içəcəyimi gözləyirdim.
Bir stəkan suyun, oteldə uzun-uzadı duş qəbul etməyin, normal yataqda ilk dəfə yuxuya getməyin həsrətində idim. Bu səhər ilk dəfə nəzarətsiz gəzintiyə çıxdım, mənə heç yerdə kimsə bir söz demədi”, - o deyib.
