Almaniyalıların əksəriyyəti Kamala Harrisin ABŞ prezidenti seçilməsini dəstəkləyir.
Modern.az xəbər verir ki, bu, avqustun əvvəlində "Deutschlandtrend"in sorğusunun nəticələridir.
Respondentlərin 77%-i Kamala Harrisi ABŞ prezidentliyinə layiqli namizəd adlandırıb. Yalnız 10% Donald Trampa rəğbət bəsləyir. Bir ay əvvəl Co Bayden hələ də yarışda olarkən almanların 59%-i nə Baydeni, nə də Trampı bəyənmədiyini bildirib.
ABŞ prezident seçkiləri Almaniya sakinlərini ən çox narahat edən beynəlxalq mövzulardan biridir. Ölkə daxilindəki vəziyyətə gəlincə, almanlar hələ də hazırkı federal hökumətdən narazıdırlar: respondentlərin 20%-i onun işini müsbət, 79%-i mənfi qiymətləndirir.
