Ukrayna Müdafiə Nazirliyi "Buffalo MPV" zirehli mühəndis maşınının Ukrayna Silahlı Qüvvələrinə təhvil verilməsinə icazə verib.
Modern.az xəbər verir ki, bu barədə UNIAN məlumat yayıb.
Dünyanın ən təhlükəsizlərindən biri adlandırılan zirehli maşın MRAP texnologiyasından istifadə etməklə hazırlanıb. Bu, artan ballistik mühafizəsi olan hərbi maşınlar sinfidir.
"Buffalo MPV"nin pəncərələri 15 sm-lik gülləkeçirməz şüşə ilə qorunur, zirehli kapsul isə əlavə olaraq kumulyativ barmaqlıqlarla qorunan kompozit zirehdən hazırlanır. Maşın quraşdırılmış kamera və partlayıcı maddələrin zərərsizləşdirilməsi üçün sensorlar olan 9 metrlik manipulyatorla təchiz edilib.
