"Gürcüstan müxalifəti oktyabrda keçiriləcək parlament seçkilərində qələbəyə inanmır və təxribatlara ümid edir".
Modern.az Gürcüstan mətbuatına istinadən xəbər verir ki, bu fikirləri hakim Gürcü Arzusu Partiyasının icraçı katibi Mamuka Mdinaradze deyib.
“Onlar hətta bəzən seçkilərdən sonra küçələrə çıxmalı olduqlarından da danışırlar. Təxribatlar və insanları aldatmaq üçün məkan olmayacaq və biz sabitliyi mümkün qədər təmin edə biləcəyik”, - o əlavə edib.
Qeyd edək ki, Gürcüstanda parlament seçkiləri 26 oktyabrda keçiriləcək.
