Belarus prezidenti Aleksandr Lukaşenko Vitebsk vilayətində universitet tələbələri ilə görüşündə nüvə təhlükəsizliyi mövzusunu qaldırıb.
Modern.az BelTA-ya istinadən xəbər verir ki, onun sözlərinə görə, nüvə silahının inkişafı zamanı SSRİ ABŞ-ın bu sahədə monopoliyaya çevrilməsinə imkan verməyib.
“Bəs bu baş verməsəydi? Əgər bu gün Rusiyada cəmləşmiş sovet nüvə qalxanı olmasaydı, biz də mövcud olmazdıq”, - Lukaşenko iddia edib.
O deyib ki, Rusiyada nüvə silahının olması Qərb ölkələrinə “daha sərt davranmağa” imkan vermir. Bunun nüvə zərbəsinə səbəb olacağını bəyan edib.
“Və bütün planet məhv olacaq. Və onlar artıq ölmək istəmirlər, çünki onların tam və yaxşı həyatı var - bu qərarları verənlərin”, - Belarus prezidenti yekunlaşdırıb.
1996-cı ilə qədər sovet nüvə silahları Belarus ərazisində saxlanılırdı. 2022-ci ildə Lukaşenko Rusiya prezidenti Vladimir Putinə müraciət edərək nüvə silahlarını yenidən ölkəyə qəbul etmək istəyib. Növbəti yay Aleksandr Lukaşenko bildirmişdi ki, Rusiya nüvə silahlarını Belarusa elə çatdırılıb ki, “Qərbdə heç kimin fərqinə varmayıb”.
