Almaniya Talibanın hakimiyyətə gələn 2021-ci ildən bəri ilk dəfə olaraq 28 Əfqanıstan vətəndaşını ölkələrinə deportasiya edib.
Modern.az xəbər verir ki, onlar məhkum edilmiş cinayətkarlar kimi xarakterizə edilib.
"Almaniyanın təhlükəsizlik maraqları cinayətkarları və milli təhlükəsizliyə təhdid yaradan şəxsləri qorumaq tələblərini açıq şəkildə üstələyir", - deyə qeyd olunub
Almaniyanın DPA xəbər agentliyi deportasiya edilənlərin cinayətləri arasında zorlama, yandırma və adam öldürmə olduğunu bildirib. Daxili işlər naziri Nensi Faser bu addımı Almaniyanın təhlükəsizliyi məsələsi adlandırıb:
“Gördünüz ki, biz qanunu tətbiq etdik və cinayətkarları Əfqanıstana deportasiya etdik. Düşünürəm ki, bu, qanunun aliliyinə inamı qorumaq üçün lazımdır”.
Berlinin Talibanla rəsmi əlaqələri yoxdur, ona görə də bir çox addımlar üçüncü tərəflər vasitəsilə həyata keçirilməli olur. Deportasiya edilənlər "Qatar Airways"in Leypsiqdən Kabilə çarter reysi ilə göndərilib.
