Ukraynanın Poltava bölgəsində təhsil müəssisəsinə Rusiya qüvvələrinin zərbəsi nəticəsində 53 nəfər həlak olub.
Modern.az BBC-yə istinadən xəbər verir ki, bu barədə Fövqəladə Hallar üzrə Dövlət Xidməti məlumat yayıb.
“271 nəfər xəsarət alıb, 25 nəfər xilas edilib, onlardan 11-i dağıntılar altından çıxarılıb. Yenilənmiş məlumatlara görə, dağıntılar altında daha 5 nəfər ola bilər”, - deyə məlumatda bildirilir.
Hücum nəticəsində bina qismən dağılıb, 3 yaşayış binası, 5 fərdi yaşayış evi və 1 inzibati binaya ziyan dəyib. Xilasetmə işləri davam edir.
Rusiya ordusu Poltavaya endirilən zərbə ilə bağlı rəsmi açıqlama verməyib.
